საგრანტო კონკურსი რეგიონული სამოქალაქო ორგანიზაციებისთვის ევროკავშირისა და “კონრად ადენაუერის ფონდის” მიერ დაფინანსებული პროექტის “სამოქალაქო საზოგადოების ინიციატივა” (STAR Initiative) ფარგლებში, “კონსულტაციისა და ტრენინგის ცენტრი” (CTC) აცხადებს მცირე გრანტების კონკურსს ადგილობრივი საზოგადოებრივი ორგანიზაციებისთვის, მუნიციპალური გამჭვირვალობისა და ანგარიშვალდებულების მხარდასაჭერად. საგრანტო კონკურსში მონაწილეობა შეუძლია საქართველოში რეგისტრირებულ არაკომერციულ იურიდიულ პირს, რომელსაც: ** გააჩნია მოცემულ რეგიონში მუშაობის მინიმუმ 3 წლიანი გამოცდილება; ** მის მიერ შემოთავაზებული საპროექტო გუნდის სულ მცირე ორ წარმომადგენელს მიღებული აქვს მონაწილეობა კონკურსის ფარგლებში 2022 წლის თებერვალ-მარტის პერიოდში ჩატარებულ ვებინარში “ადგილობრივი თვითმმართველობის ინდექსი, 2021 წლის შეფასების შედეგები და გამოწვევები”; კონკურსში ვერ მიიღებენ მონაწილეობას პროექტის “სამოქალაქო საზოგადოების ინიციატივა (STAR Initiative)” პარტნიორი სამოქალაქო საზოგადოების რეგიონული ჰაბები. კონკურსში მონაწილეობით დაინტერესებულმა ორგანიზაციებმა რეგისტრაცია უნდა გაიარონ შემდეგ ბმულზე: https://forms.gle/b2zCdxdGUKmQ4VAR6 არაუგვიანეს 2022 წლის 20 თებერვლის 18:00 საათისა. რეგისტრირებულ ორგანიზაციებს კონკურსის ორგანიზატორები დაუკავშირდებიან მოსამზადებელი ვებინარის თაობაზე. საგრანტო განაცხადების წარმოდგენის ბოლო ვადაა 2022 წლის 25 მარტი, 12:00 საათი. საპროექტო განაცხადი და ბიუჯეტი წარმოდგენილი უნდა იყოს ქართულ ენაზე, თანდართული ფორმის მიხედვით (იხილეთ მითითებულ ვებ-მისამართზე) დოკუმენტები უნდა გაიგზავნოს ელექტრონულად, შემდეგ ელ-ფოსტაზე: vacancy@ctc.org.ge საკონტაქტო ნომერი: 577 980883. |
დამატებითი ინფორმაციისათვის ეწვიეთ ვებ-გვერდს: https://www.jobs.ge/ge/?view=jobs&id=352020
ან მიმართეთ „უმცირესობათა თემების სოციალური და ეკონომიკური უფლებების გაძლიერების ცენტრებს“ ქვემოთ მითითებულ მისამართებზე, სადაც კონკურსში მონაწილეობის მსურველებს, ცენტრის ექსპერტ-კონსულტანტები გაუწევენ დახმარებას.
ახალქალაქი: ჩარენცის ქ. #18/1
ნინოწმინდა: პუშკინის ქ. #49ა
მარნეული: გამსახურდიას ქ. #4
გარდაბანი: ლესელიძის ქ. 1 კვარტალი, 1 კორპუსი