პროექტი: „ეთნიკური უმცირესობების სოციალური და ეკონომიკური უფლებების
გაძლიერება“

ჩვენი მიზანი: ახალქალაქის, ნინოწმინდის, მარნეულისა და გარდაბნის
მუნიციპალიტეტებში მცხოვრები ეთნიკური უმცირესობების, ასევე აფხაზეთისა და
სამხრეთ ოსეთის ოკუპირებული რეგიონების მოსახლეობის სოციალური და
ეკონომიკური უფლებების გაძლიერება.

ჩვენ გთავაზობთ:

• ინფორმაციას სახელმწიფო, არასამთავრობო და საერთაშორისო ორგანიზაციების
  მიერ გამოცხადებული სოციალურ-ეკონომიკური პროგრამების შესახებ თქვენთვის
  გასაგებ ენაზე
• გამოცხადებულ პროგრამებში მონაწილეობის მსურველთათვის უფასო
  საკონსულტაციო მომსახურებას ბიზნესგეგმების, საპროექტო და სატენდერო
  დოკუმენტების მომზადებისა და პროგრამების ეფექტურად მართვის
  მიმართულებით
• უფასო სამართლებრივ დახმარებას, სოციალური და ეკონომიკური დისკრიმინაციის
  შედეგად წარმოქმნილი, უფლებრივი პრობლემების დასაძლევად, რაც მოიცავს:
  • კონსულტაციებს (ა) შრომითი, მიწისა და საკუთრების უფლებები, ბ) ბავშვთა, შშმპ-
    ის, ქალთა, ჯანმრთელობის, განათლებისა და თანასწორი მოპყრობის უფლებები; გ)
    ოჯახური ძალადობა და დისკრიმინაციის ნებისმიერი ფორმების გამოვლინება)
  • სამართლებრივი დოკუმენტების შედგენას
  • დაზარალებულ პირთა სახელით, სამართლებრივი წარმომადგენლობის
    განხორციელებას სახელისუფლებლო ორგანოებში, საერთო სასამართლოების
    სისტემაში, სამართალდამცავ ორგანოებში, საქართველოს სახალხო დამცველის
    აპარატთან კომუნიკაციის პროცესში
• ქალთა, ახალგაზრდათა და შშმ პირთა ჩართულობითი და მმართველობითი
  შესაძლებლობების გაფართოებაზე ორიენტირებული პროგრამების ციკლს,
  სპეციფიური ბიზნეს-ეკონომიკური საჭიროებებისა და ინტერესის
  გათვალისწინებით
• საინფორმაციო, საგანმანათლებლო და ცნობიერების ასამაღლებელ სემინარებს
  აქტუალურ სამართლებრივ საკითხებზე, უფლებრივი მდგომარეობის
  გასაუმჯობესებლად
• საგანმანათლებლო-შემეცნებით პროგრამებს, ტრენინგებს და სამუშაო შეხვედრებს,
  ადგილობრივ დონეზე სოციალურ და ეკონომიკურ სფეროებში გააზრებული და
  კვალიფიციური ჩართულობის ხელშესაწყობად
• პერსონალურ კომპიუტერებთან და მობილურ მოწყობილობებთან თავსებად
  ქართულ, სომხურ, აზერბაიჯანულ და რუსულენოვან საინფორმაციო-
  ინტერაქტიულ ვებ-პლატფორმას, რომელიც განკუთვნილია სხვადასხვა ხასიათის
  ინტერაქტიული ღონისძიებების დაგეგმვა-რეალიზებისთვის, ასევე თავმოყრილია
  საცნობარო ინფორმაცია და საგანმანთლებლო მასალები
• მცირე ლოკალური ინიციატივების მხარდაჭერას მოწყვლადი ჯგუფების
  სოციალური და ეკონომიკური ინტერესების სათანადოდ რეალიზებისათვის
• ანონიმურ ცხელ ხაზს, რომლის მეშვეობით შესაძლებელია როგორც ცენტრისათვის
  ინფორმაციის ანონიმურად მიწოდება თქვენი უფლებების დარღვევის თაობაზე, ისე
  შემდგომი სათანადო დახმარების მოთხოვნა

ცხელი ხაზი +995 598 22 44 66

კვლევითი საქმიანობა

აღნიშნული კომპონენტი მოიაზრებს ეთნიკური უმცირესობებისა და მოწყვლადი
ჯგუფების სოციალური და ეკონომიკური უფლებების დაცვის კუთხით არსებული
საუკეთესო საერთაშორისო გამოცდილების, ასევე კოვიდ-19 პანდემიით გამოწვეულ
სოციალურ-ეკონომიკურ წუხილებზე რეაგირების ფორმებისა და მექანიზმების
შესწავლას.

ეთნიკურ უმცირესობათა სოციალური და ეკონომიკური
უფლებების რეალიზების სტატუსის მონიტორინგი, შეფასება და
გასაჯაროვება

აღნიშნული მომართულება მოიცავს:

• 2014-2020 წ.წ. ადამიანთა უფლებების დაცვის ეროვნული სტრატეგიისა და
  სამოქმედო გეგმის დიზაინის, იმპლემენტაციისა და შედეგების შეფასებას
• ცენტრალური და ადგილობრივი ხელისუფლების საქმიანობის მონიტორინგს
  ეთნიკურ უმცირესობათა სოციალური და ეკონომიკური უფლებების რეალიზების
  ხელშეწყობის და/ან უგულებელყოფისა და დარღვევის კონტექსტში
• მიგნებებისა და რეკომენდაციების გასაჯაროვებას, ისევე როგორც ყველა
  დაინტერესებულ მხარესთან მათ ადვოკატირებას.

გიცავთ, გეხმარებით, გაძლიერებთ