USAID-ის სამოქალაქო განათლების პროგრამა, რომელსაც ახორციელებს PH International საქართველო, აცხადებს საგრანტო კონკურსს საქართველოში რეგისტრირებული ახალგაზრდული ორგანიზაციებისთვის. საგრანტო კონკურსის მიზანია, ხელი შეუწყოს სკოლის მოსწავლეებისა და სკოლადამთავრებული ახალგაზრდების (29 წლის ჩათვლით) ერთობლივ სამოქალაქო აქტივობებს მათი სკოლისა და საზოგადოების საკეთილდღეოდ.
კონკურსის მეშვეობით, ხელი შეეწყობა ახალგაზრდებში მოხალისეობრივი კულტურის განვითარებას, ადგილობრივ თუ ეროვნულ დონეზე მათ სამოქალაქო ჩართულობას და აქტიური ახალგაზრდების ქსელის ფორმირებას.
დასაფინანსებელი პროექტის მაქსიმალური ხანგრძლივობაა 12 თვე.
საგრანტო პროგრამის ფარგლებში წარმოდგენილი პროექტის ბიუჯეტი არ უნდა აღემატებოდეს 10, 000 აშშ დოლარს.
განაცხადების მიღების ბოლო ვადაა 2023 წლის 31 ოქტომბერი.
განმცხადებლებმა 2023 წლის 31 ოქტომბრის ჩათვლით საგრანტო განაცხადი, მოთხოვნილ სავალდებულო დოკუმენტებთან ერთად, უნდა გამოაგზავნონ ელ.ფოსტის მისამართზე ge-grants@ph-int.org. სათაურის ველში მიუთითეთ: RFA 004_Grants for Youth Led Organizations.