საქართველოში ნიდერლანდების სამეფოს ელჩი მარია ვან კოლდამი, ქვემო ქართლის რეგიონში ვიზიტის ფარგლებში,  სერეკის მარნეულის ცენტრს ეწვია. დიპლომატი მრავალეროვანი საქართველოს გრძელვადიან დამკვირვებელს ლეილა მამდეოვას და ცენტრის კოორდინატორს საბინა ტალიბოვას შეხვდა.  მარია ვან კოლდამმა ამომწურავი ინფორმაცია მიიღო ევროკომიისიის ფინანსური მხარდაჭერით მიმდინარე პროექტის – სერეკის შესახებ. სხვადასხვა საკითხებზე საუბრისას გამოიკვეთა ქვემო ქართლში, ეთნიკური უმცირესობების წინაშე მდგარი გამოწვევები. ყურადღება გამახვილდა მარნეულის ცენტრის  მიერ შესწავლილ და გამოვლენილ დარღვევებზე. მათ შორის ეთნიკური ნიშნით დისკრიმინაციის ფაქტებზე, კონკრეტულად კი აღნიშნული მიზეზით გარკვეულ პირთა სამსახურიდან განთავისუფლების მცდელობის  შემთხვევებზე.