26 ნოემბერს, სერეკის ახალქალაქის ოფისში გაიმართა სემინარი ფერმერთათვის და მეცხოველეობის დარგით დაინტერესებულ პირთათვის. მსმენელებმა, დონორთა მიერ გამოცხადებულ, მერძევეობასთან და მეცხოველეობასთან დაკავშირებულ პროექტებისა და გრანტების შესახებ მიიღეს ამომწურავი ინფორმაცია. ამასთანავე, დარგის განვითარებასთან, მოდერნიზაციასთან და ბაზრის ხელმისაწვდომობის გაზრდასთან დაკავშირებით მოისმინეს მოწვეულ ექსპერტთა მოსაზრებები. სემინარის მსმენელები წარმოადგენდნენ მეწარმეებს ახალქალაქის მუნიციპალიტეტში შემავალი სოფლებიდან. დამსწრეთა შორის საუბრების შედეგად გამოიკვეთა ის პრობლემები, რომელთა მოგვარება სფეროს განვითარებისათვის აუცილებელია, მათ შორის ცხოველთა მოვლისა და კვების, ასევე რძის პროდუქტების გადამუშავებისა და თანამედროვე ბაზრის მოთხოვნებთან შესაბამისობაში მოყვანა.